بھارت ، ایم چناسوامی سٹیڈیم کی ورلڈ کپ کی میزبانی خطرے میں پڑ گئی

بنگلورو کے ایم چناسوامی سٹیڈیم میں شیڈول ویمنز ورلڈ کپ کے میچز کا انعقاد خطرے سے دوچار

ذیشان مہتاب جمعرات 14 اگست 2025 16:21

بھارت ، ایم چناسوامی سٹیڈیم کی ورلڈ کپ کی میزبانی خطرے میں پڑ گئی

بنگلورو (اردو پوائنٹ تازہ ترین اخبار ۔ 14 اگست 2025ء ) بھارتی شہر بینگالورو کے ایم چناسوامی سٹیڈیم میں شیڈول ویمنز ورلڈ کپ کے میچز کا انعقاد خطرے میں پڑ گیا۔

سٹیڈیم کے متبادل کے طور پر تھرووننتھاپونم کے گرین فیلڈز اسٹیڈیم کا نام زیرِ غور ہے۔

(جاری ہے)

کرک انفو کے مطابق کرناٹک اسٹیٹ کرکٹ ایسوسی ایشن (کے ایس سی اے) نے اسٹیڈیم میں میچز کے انعقاد کے لیے سکیورٹی کے حوالے سے پولیس کی اجازت کے حوالے سے بی سی سی آئی کی جانب سے طے کی گئی 10 اگست کی ڈیڈ لائن مس کردی جس کے بعد اس وینیو پر ایونٹ کے میچز کا انعقاد خطرے میں پڑ گیا۔

اس وقت بنگلورو میں 30 ستمبر کو بھارت اور سری لنکا کے درمیان ایونٹ کا اوپنر، 3 اکتوبر کو انگلینڈ اور جنوبی افریقا، 26 اکتوبر کو انڈیا اور بنگلادیش، 30 اکتوبر کو دوسرا سیمی فائنل اور ممکنہ طور پر 2 نومبر کو ممکنہ فائنل سمیت پانچ میچز شیڈول ہیں۔

حالات کے پیشِ نظر اسٹیڈیم کے متبادل کے طور پر تھرووننتھاپونم کے گرین فیلڈز اسٹیڈیم کے نام پر غور کیا جا رہا ہے۔