راشد خان نے ناپسندیدہ ریکارڈ اپنے نام کرلیا

اپنی مقررہ 20 گیندوں (چار اوورز) میں 59 رنز دیے اور کوئی وکٹ حاصل نہ کرسکے

جمعرات 14 اگست 2025 13:21

راشد خان نے ناپسندیدہ ریکارڈ اپنے نام کرلیا

ایجسٹن (اُردو پوائنٹ اخبارتازہ ترین - این این آئی۔ 14 اگست2025ء)افغانستان کے آل راؤنڈر راشد خان نے دی ہنڈریڈ لیگ میں ناپسندیدہ ریکارڈ اپنے نام کرلیا۔ایجبسٹن میں برمنگھم فینکس کے خلاف اوول انوینسیبلز کی نمائندگی کرتے ہوئے راشد خان نے اپنی مقررہ 20 گیندوں (چار اوورز) میں 59 رنز دیے اور کوئی وکٹ حاصل نہ کرسکے۔یہ ناصرف دی ہنڈریڈ میں ان کی بدترین کارکردگی تھی بلکہ کسی بھی ٹی 20 میچ میں ان کا سب سے مہنگا اسپیل بھی تھا۔

(جاری ہے)

برمنگھم کے لیام لیونگ اسٹون نے 27 گیندوں پر ناقابل شکست 69 رنز بنائے اور افغان اسپنر کو لگاتار تین چھکے اور دو چوکے لگائے۔لیونگ اسٹون کے لاٹھی چارج نے فینکس کو رنز کا کامیاب تعاقب میں کرنے میں مدد دی اور انہوں نے دو گیندوں قبل ہی ہدف حاصل کرلیا۔لیونگ اسٹون اپنے کیریئر میں راشد خان کے خلاف 200 سے زیادہ ٹی ٹوئنٹی رنز بنانے والے پہلے بلے باز بھی بن گئے۔ ان کے خلاف کوئی اور بلے باز 150 تک نہیں پہنچا۔دنیا کے ٹاپ ٹی ٹوئنٹی باؤلرز میں شمار کیے جانے والے راشد 2023 ورلڈ کپ کے بعد کمر کی سرجری کے بعد سے فارم کے لیے جدوجہد کر رہے ہیں۔