قومی ہاکی ٹیم کے کھلاڑیوں کے ڈیلی الاؤنس کی مد میں 90 لاکھ روپے واجب الادا

کھلاڑی انٹرنیشنل ڈیلی کے لگ بھگ 4.5 لاکھ روپے کے منتظر، لوکل ڈیلی الاؤنس کے بھی پورے پیسے نہ مل سکے، 3 ہزار کی بجائے 2500 روپے کے حساب سے ڈیلی الاؤنس ملا

ذیشان مہتاب جمعرات 14 اگست 2025 17:11

لاہور (اردو پوائنٹ تازہ ترین اخبار ۔ 14 اگست 2025ء ) قومی ہاکی ٹیم کے کھلاڑیوں کے ڈیلی الاؤنس کی مد میں 90 لاکھ روپے واجب الادا ہیں ۔

نجی ٹی وی چینل جیو نیوز کے مطابق ذرائع کا کہنا ہے کہ کھلاڑی انٹرنیشنل ڈیلی کے لگ بھگ ساڑھے 4 لاکھ روپے کا منتظر ہیں، قومی کھلاڑیوں کو لوکل ڈیلی الاؤنس کے بھی پورے پیسے نہیں دیئے گئے، قومی کھلاڑیوں کو 3 ہزار روپے کی بجائے 2500 روپے کے حساب سے ڈیلی الاؤنس دیا گیا۔

(جاری ہے)

کھلاڑیوں نے سوال کیا کہ جو فیڈریشن کھلاڑیوں کے 90 لاکھ روپے ادا کرنے کے اہل نہیں اس سے کیا توقع رکھیں، پروہاکی لیگ میں شرکت ضروری ہے، لیکن اس کے ساتھ پلیئرز ویلفیئرز پر بھی کام کریں، پلیئرز ویلفیئر ترجیح ہو گی تو وہ بین الاقوامی مقابلوں میں مزید اچھا کھیلیں گے، کھلاڑیوں کو 30 ہزار روپے ڈیلی الاؤنس ملتا ہے، 15 روز کی ڈیلیز واجب الادا ہیں۔