چین کے نائب وزیر اعظم کی قیادت میں سیلاب زدہ علاقوں میں امدادی سرگرمیاں جاری

ہفتہ 2 اگست 2025 16:20

بیجنگ (اُردو پوائنٹ اخبارتازہ ترین - اے پی پی۔ 02 اگست2025ء) چین کے نائب وزیر اعظم چانگ گوچھنگ نے صدر شی جن پنگ کی ہدایات کی روشنی میں پارٹی کی مرکزی کمیٹی اور ریاستی کونسل کی جانب سے متعلقہ حکام کے ہمراہ صوبہ حہ بئے کے شہر چھنگ دہ کی شنگ لونگ کاؤنٹی میں سیلاب زدہ علاقوں میں متاثرہ افراد کی خیروعافیت دریافت کی اور قدرتی آفات سے بچاؤ اور ہنگامی امداد اور بحالی کے کاموں کی قیادت کی۔

(جاری ہے)

چینی میڈیا کے مطابق نائب وزیر اعظم نے اس بات پر زور دیا کہ سی پی سی سینٹرل کمیٹی کے جنرل سیکرٹری شی جن پنگ کو آفت زدہ علاقوں اور متاثرہ افراد کے حوالے سے انتہائی تشویش ہے اور لاپتہ افراد کی تلاش اور بچاؤ، زخمیوں کے علاج اور متاثرہ افراد کی دوبارہ آبادکاری جیسے مختلف امدادی امور کی پیش رفت کے بارے میں فکرمند ہیں۔ وزیر اعظم لی چھیانگ نے تلاش اور بچاؤ، پیچیدہ حالات سے نمٹنے اور عوام کی دوبارہ آبادکاری کے انتظامات کیے ہیں۔انہوں نے سیلاب پر قابو پانے اور آفات سے نمٹنے کے لیے ہرممکن حمایت وتعاون پر بھی زور دیا ہے۔