ٹرمپ کا رواں ماہ آسیان اجلاس میں شرکت کا امکان

اس تقریب سے چینی حکام کو دور رکھا جائے،وائٹ ہائوس

بدھ 8 اکتوبر 2025 13:44

ٹرمپ کا رواں ماہ آسیان اجلاس میں شرکت کا امکان

واشنگٹن (اُردو پوائنٹ اخبارتازہ ترین - این این آئی۔ 08 اکتوبر2025ء) امریکی صدر ڈونلڈ ٹرمپ کی رواں ماہ ملائیشیا میں آسیان اجلاس میں شرکت کا امکان ہے۔ آسیان اجلاس 26 سے 28 اکتوبر تک ہوگا۔

(جاری ہے)

امریکی خبر رساں ادارے کے مطابق اس شرکت کے لیے وائٹ ہاوس نے ملائیشیا سے کہا ہے کہ آسیان اجلاس میں تھائی لینڈ اور کمبوڈیا کے درمیان امن معاہدے کی تقریب کی صدارت صدر ٹرمپ کو دی جائے۔ وائٹ ہاوس نے یہ بھی کہا ہے کہ اس تقریب سے چینی حکام کو دور رکھا جائے۔ خبر رساں ادارے کے مطابق وائٹ ہاوس نے ملائشین حکام سے کہا ہے کہ امن معاہدے کا سارا کریڈٹ صدر ٹرمپ کو ملنا چاہیے کیوں کہ تھائی لینڈ اور کمبوڈیا کے امن مذاکرات ٹرمپ کی کوششوں سے ہوئے، اس میں چین کا کوئی کردار نہیں ہے۔