ایف بی آر میں بڑے پیمانے پر اکھاڑپچھاڑ، متعدد افسران کا تبادلہ

ایف بی آر کے گریڈ 20 سے 22 تک کے 20 افسروں کا تبادلہ کیا گیا

ہفتہ 2 اگست 2025 17:30

ایف بی آر میں بڑے پیمانے پر اکھاڑپچھاڑ، متعدد افسران کا تبادلہ

اسلام آباد (اُردو پوائنٹ اخبارتازہ ترین - این این آئی۔ 02 اگست2025ء)فیڈرل بورڈ آف ریونیو( ایف بی آر) میں بڑے پیمانے پر اکھاڑ پچھاڑ ہوئی ہے اور گریڈ20 سے 22 تک کے 20 افسروں کا تبادلہ کر دیا گیا۔نوٹیفکیشن کے مطابق ایف بی آر کے گریڈ 20 سے 22 تک کے 20 افسروں کا تبادلہ کردیا گیا ہے۔ تبدیل ہونے والے افسران کا تعلق ان لینڈ ریونیو سے ہے۔

(جاری ہے)

اس کے علاوہ گریڈ 17 اور18 کے ان لینڈ ریونیو کے مزید 232 افسران کا تبادلہ بھی کردیا گیا ہے۔

افسران کا تعلق کراچی،اسلام آباد،لاہور، ساہیوال،سکھر، راولپنڈی سے ہے۔کوئٹہ،سیالکوٹ،پشاور،ملتان،حیدرآباد،فیصل آباد سے بھی افسران کے تبادلے کیے گئے۔ایف بی آر کے مطابق تبادلوں اور تقرریوں کا مقصد بہتر قیادت،نگرانی اورفیلڈ کی سطح پر ریونیو میں اضافہ کرنا ہے۔