اسلام آباد فوڈ اتھارٹی کی کارروائی ، بدبودار گوشت تلف

اتوار 3 اگست 2025 12:40

اسلام آباد (اُردو پوائنٹ اخبارتازہ ترین - اے پی پی۔ 03 اگست2025ء) اسلام آباد فوڈ اتھارٹی نے مضر صحت گوشت کے خلاف کارروائی کرتے ہوئے بدبودار گوشت کو موقع پر تلف کر دیا۔

(جاری ہے)

اتوار کو ضلعی انتظامیہ کی جانب سے جاری بیان کے مطابق اسلام آباد فوڈ اتھارٹی کی جانب سے مضر صحت گوشت کے خلاف کارروائیاں جاری ہیں، 160 کلوگرام مضر صحت گوشت لیجانے والی گاڑی کی گولڑہ روڑ پر انسپکشن کی اورمیٹ سیفٹی ٹیم کی جانب سے بدبودار گوشت کو موقع پر تلف کر دیا گیا۔

ڈپٹی ڈائریکٹر اسلام آباد فوڈ اتھارٹی ڈاکٹر طاہرہ صدیق نے کہا کہ گاڑی میں موجود گوشت پر ذبح خانے کی سٹیمپ بھی موجود نہ تھی،گوشت کی سٹوریج اور ٹمپریچر میں بھی ایس او پیز کی خلاف ورزی پائی گئی۔انہوں نے کہا کہ شہر میں مضر صحت گوشت کی فراہمی ہر صورت ناممکن بنائی جائی گی،میٹ سیفٹی ٹیم کی جانب سے روزانہ کی بنیاد پر سرپرائز انسپکشنز یقینی بنائی جا رہی ہیں۔

Facebook Twitter Google + Share on Whatsapp

اسلام آباد فوڈ اتھارٹی کی کارروائی ، بدبودار گوشت تلف

متعلقہ عنوان :

مزید قومی خبریں