غزہ میں صرف 36 امدادی ٹرک داخل، قحط شدت اختیار کر گیا

زیادہ تر امدادی ٹرکوں کو تقسیم سے پہلے ہی لوٹ لیا گیا،سرکاری میڈیا آفس

اتوار 3 اگست 2025 15:15

غزہ(اُردو پوائنٹ اخبارتازہ ترین - این این آئی۔ 03 اگست2025ء)غزہ کی گورنمنٹ میڈیا آفس کے مطابق ہفتے کے روز صرف 36 امدادی ٹرک غزہ میں داخل ہو سکے، جو اقوام متحدہ کے مطابق روزانہ کی ضروریات کے لیے درکار 500 سے 600 ٹرکوں سے کہیں کم ہیں۔

(جاری ہے)

میڈیا آفس نے بتایا کہ زیادہ تر امدادی ٹرکوں کو تقسیم سے پہلے ہی لوٹ لیا گیا، اور اس صورتحال کی ذمہ داری اسرائیل پر عائد کی گئی ہے جس پر منظم اور دانستہ طور پر سیکیورٹی کی افراتفری کو فروغ دینی کا الزام لگایا گیا ہے۔

دفتر نے اپنے بیان میں کہا: قحط غزہ کے بچوں کو نگل رہا ہے اور عالمی برادری شرمناک خاموشی اختیار کیے ہوئے ہے۔بیان میں مطالبہ کیا گیا کہ فوری طور پر بارڈر کراسنگ کھولی جائیں اور مناسب مقدار میں امداد اور بچوں کے لیے دودھ داخل ہونے کی اجازت دی جائے۔