حالیہ بارشوں کے باعث راول ڈیم میں پانی کی مقدار میں نمایاں اضافہ ریکارڈ

اتوار 3 اگست 2025 19:30

اسلام آباد (اُردو پوائنٹ اخبارتازہ ترین - اے پی پی۔ 03 اگست2025ء) حالیہ بارشوں کے باعث راول ڈیم میں پانی کی مقدار میں نمایاں اضافہ ریکارڈ کیا گیا ہے۔راول ڈیم میں پانی کی سطح 1750.70 فٹ تک پہنچ گئی،راول ڈیم کے سپل ویز کو کل پیر کو صبح 6 بجے کھولا جائے گا۔

(جاری ہے)

اتوار کو ضلعی انتظامیہ کی جانب سے جاری بیان کے مطابق اسسٹنٹ کمشنر نیلور کی جانب سے سپل ویز کھولنے کے عمل کی نگرانی کی جائے گی۔ریسکیو، سیکیورٹی اور میڈیکل ٹیمیں فوری امدادی کارروائی کے لیے مختلف مقامات پر موجود ہوگی۔ضلعی انتظامیہ نے کہا ہے کہ تمام ضروری اقدامات بروقت مکمل کر لیے گئے ہیں،شہری ڈیم کے قریب غیر ضروری سرگرمیوں سے اجتناب کریں۔