مسجد الاقصی کی بے حرمتی مسلمانوں کے مذہبی جذبات بھڑکانے کی سازش ہے‘ طاہر اشرفی

مسجد الاقصی کی حیثیت بدلنے کی اسرائیلی کوششیں دنیا کا امن تباہ کرنے کی سازش ہیں‘ چیئرمین پاکستان علماء کونسل

پیر 4 اگست 2025 22:55

مسجد الاقصی کی بے حرمتی مسلمانوں کے مذہبی جذبات بھڑکانے کی سازش ہے‘ ..

لاہور(اُردو پوائنٹ اخبارتازہ ترین - این این آئی۔ 04 اگست2025ء)چیئرمین پاکستان علما ء کونسل حافظ محمد طاہر محمود اشرفی نے کہا ہے کہ مسجد الاقصی کی بے حرمتی مسلمانوں کے مذہبی جذبات بھڑکانے کی سازش ہے۔اپنے بیان میں انہوں نے مسجد الاقصی کی حیثیت بدلنے کی اسرائیلی کوششیں دنیا کا امن تباہ کرنے کی سازش ہیں، اسرائیلی وزرا ء کی جانب سے مسلمانوں کے قبلہ اول مسجد الاقصی کی بے حرمتی نا قابل قبول ہے۔

(جاری ہے)

انہوں نے کہا کہ صیہونی اقدامات اشتعال انگیز اور ناقابل برداشت ہیں، اسرائیلی وزرا ء اور یہودیوں کی طرف سے مسجدالاقصی کی بے حرمتی کی مذمت کرتے ہیں۔چیئرمین پاکستان علما ء کونسل طاہر اشرفی نے کہا کہ عالمی برادری اسرائیل کی ان حرکات کا نوٹس لے، مسجد الاقصی کی حیثیت بدلنے کے اسرائیلی عزائم تباہ کن تشدد کو جنم دے سکتے ہیں۔انہوں نے کہا کہ عالمی برادری اسرائیل کا فوری محاسبہ کرے، اسرائیلی اقدامات اقوام متحدہ اور او آئی سی قراردادوں کی کھلی خلاف ورزی ہیں، عالمی ادارے فلسطینی عوام کے حقوق کا تحفظ یقینی بنائیں۔