بھارتی سوشل میڈیا انفلوئنسر کی 10 کروڑ کی لیمبورگینی میں آگ لگ گئی

پیر 4 اگست 2025 17:22

بنگلور(اُردو پوائنٹ اخبارتازہ ترین - این این آئی۔ 04 اگست2025ء)بھارت کے شہر بنگلور میں ایک سوشل میڈیا انفلوئنسر کی 10 کروڑ روپے مالیت کی لیمبورگینی ایونٹاڈور میں آگ لگ گئی۔سوشل میڈیا پر ایک ویڈیو وائرل ہو رہی ہے جس میں نیما منے مگا سنجو کے نام سے مشہور سوشل میڈیا انفلوئنسر سنجیو کی گاڑی میں آگ لگی ہوئی نظر آ رہی ہے۔

(جاری ہے)

یہ ویڈیو وائرل ہونے کے بعد بہت سے لوگوں نے یہ دعوی کیا کہ آگ لگنے کے بعد پوری گاڑی جل کر راکھ ہوگئی۔

بعد ازاں، سنجیو نے وضاحت دی کہ آگ لگنے کی وجہ سے گاڑی کو معمولی نقصان ہوا ہے۔بھارتی میڈیا کی رپورٹ کے مطابق لیمبورگینی میں آگ لگنے کی اصل وجہ ابھی تک معلوم نہیں ہو سکی۔سنجیو کے انسٹاگرام پر 2 لاکھ سے زیادہ فالوورز ہیں اور سوشل میڈیا پر اپنی لگژری کاروں کی کلیکشن اور سونے کے بھاری زیورات پہننے کی وجہ سے مشہور ہے۔