جشن آزادری اور معرکہ حق کے حوالے سے صوبہ سندھ میں دو ہزار سے زائد تقریبات کا انعقاد کیا جارہا ہے، سید ناصر شاہ

چیئرمین بلاول بھٹو اور وزیراعلی سندھ کی ہدایات پر سندھ بھر میں جشن آزادی و معرکہ ھق کی تقریبات جوش و ولولہ کے ساتھ جاری ہیں، وزیر توانائی سندھ

پیر 4 اگست 2025 18:03

جشن آزادری اور معرکہ حق کے حوالے سے صوبہ سندھ میں دو ہزار سے زائد تقریبات ..

کراچی(اُردو پوائنٹ اخبارتازہ ترین - این این آئی۔ 04 اگست2025ء)وزیر توانائی ، ترقیات و منصوبہ بندی سندھ سید ناصر حسین شاہ نے کہا ہے کہ جشن آزادی و معرکہ حق کے حوالے سے صوبہ سندھ میں دو ہزار سے زائد تقریبات کا انعقاد کیا جارہا ہے۔ ان خیالات کا اظہار انھوں نے تھرکول انرجی بورڈ کے دفتر میں اس حوالے سے منعقدہ ایک تقریب میں مہمان خصوصی کی حیثیت سے اپنے خطاب اور ایک کاٹ کر تقریب کا افتتاح کرتے ہوئے کیا۔

تقریب میں ممبر صوبائی اسمبلی قاسم سراج سومرو، ایم ڈی تھرکول انرجی بورڈ (TCEB) طارق علی شاہ، سی ای او STDC سلیم شیخ، ڈائریکٹر تھرکول انرجی بورڈ نثار میمن کے علاوہ دیگر افسران بھی شریک تھے۔ وزیر توانائی ناصر شاہ نے تقریب سے خطاب کرتے ہوئے کہا کہ چیئرمین بلاول بھٹو اور وزیراعلی سندھ کی ہدایات پر جشن آزادی اور معرکہ حق کی تقریبات پورے سندھ میں جوش و ولولہ کے ساتھ منائی جارہی ہیں جبکہ تمام سرکاری اداروں میں بھی تقریبات کا خصوصی اہتمام کیا جارہا ہے۔

(جاری ہے)

انھوں نے کہا کہ معرکہ حق اور جشن آزادی کے حوالے سے محکمہ توانائی سندھ میں یہ دوسری تقریب ہے اور محکمہ توانائی سندھ اس حوالے سے سب سے پہلے تقریب کا آغاز کرنے میں سبقت لے چکا ہے۔ اور چیئرمین بلاول بھٹو اور وزیراعلی کی ہدایات پر مکمل عمل درآمد کر رہا ہے۔ وزیر توانائی نے کہا کہ جشن آزادی اور معرکہ حق پوری پاکستانی قوم کیلئے باعث فخر ہے۔

پوری پاکستانی قوم معرکہ حق اور جشن آزادی جوش و جذبے کے ساتھ منانے میں مصروف ہے۔ تقریب سے خطاب کرتے ہوئے ایم ڈی تھرکول انرجی بورڈ طارق علی شاہ نے تقریب کی اہمیت پر روشنی ڈالتے ہوئے کہا کہ محکمہ توانائی میں ایس ٹی ڈی سی نے معرکہ حق اور جشن آزادی کے حوالے سے تقریب کا آغاز کرنے دیگر محکموں پر سبقت حاصل کی۔ تھرکول بورڈ کے تمام افسران و ملازمین اس تقریب کو منانے کیلئے انتہائی پر جوش تھے۔ وزیر توانائی ناصر شاہ کے شکرگذار ہیں جو انھوں نے تقریب میں آکر عزت بخشی۔ انھوں نے کہا کہ معرکہ حق میں کامیابی سے پوری قوم کا سر فخر سے بلند ہوگیا ہے اور یہ احساس بلند ہوا کہ ہمارا ملک محفوظ ہاتھوں میں ہے۔