ْعالمگیر شیخ کو اے سی بی ایس نے ورلڈ پول کے بورڈ آف ڈائریکٹرز میں نیا نمائندہ مقرر کردیا

پیر 4 اگست 2025 22:05

اسلام آباد(اُردو پوائنٹ اخبارتازہ ترین - این این آئی۔ 04 اگست2025ء)پاکستان اسنوکر اینڈ بلیئرڈ ایسوسی ایشن کے چیئرمین عالمگیر شیخ کی اسنوکر میں گراں قدر خدمات کے اعتراف کے طور پر ایشین کنفیڈریشن آف بلیئرڈ اسپورٹس (اے سی بی ایس)نے ورلڈ پول ایسوسی ایشن کے بورڈ آف ڈائریکٹرز میں اپنا نیا نمائندہ مقرر کردیاہے۔ اے سی بی ایس کے مطابق مسٹر شیخ کیو اسپورٹس ایڈمنسٹریشن میں کئی دہائیوں کا تجربہ کا تجربہ رکھتے ہیں اور ایشیا بھر میں بلیئرڈ اور پول کی ترقی میں اپنا بھرپور کردار ادا کریں گے، ہم عالمی کیو اسپورٹس کمیونٹی کیلئیان کی شرکت کے منتظر ہیں۔

عالمگیر شیخ نے کہا کہ یہ میرے اور ملک کیلئے ایک بڑا اعزاز ہے، میں اے سی بی ایس کا مشکور ہوں جنہوں نے مجھے بورڈ میں شامل کیا۔

(جاری ہے)

انہوںنے کہاکہ یہ پاکستانی اسنوکر اینڈ بلیئرڈ کا دنیا بھر میں بہترین کارکردگی کا اعتراف بھی ہے، بلیئرڈ اینڈ اسنوکر میں پاکستانی کھلاڑیوں نے دنیا بھر میں عمدہ کارکردگی کا مظاہرہ کرتے ہوئے ملک کیلئے بے شمار عالمی اعزازات حاصل کئے ہیں۔

دریں اثناء پاکستان بلیئرڈ اینڈ اسنوکر ایسوسی ایشن نے عالمگیر شیخ کو ورلڈ پول ایسوسی ایشن کے بورڈ آف ڈائریکٹر میں نمائندہ مقرر کیے جانے پر مبارکباد دی ہے۔اسلام آباد اسنوکر اینڈ بلیئرڈ ایسوسی ایشن کے صدر ڈاکٹر شہزاد وسیم، سیکریٹری محمد فہیم انور خان اور دیگر نے ورلڈ پول ایسوسی ایشن کی جانب سے تقرری کا خیر مقدم کرتے ہوئے کہا ہے کہ عالمگیر شیخ کی تقرری سے ایشیا بھر میں بلیئرڈ اینڈ سنوکر کے کھیل میں ترقی ملے گی۔ عالمگیر شیخ کے اس کھیل میں وسیع تجربہ سے وہ فائدہ بھی اٹھائیں گے۔