ایران میں 5.7 شدت کا خوفناک زلزلہ، کئی شہر لرز اٹھے

لوگ خوف کے مارے گھروں سے باہر نکل آئے ،کچھ علاقوں میں موبائل نیٹ ورک بھی متاثر

منگل 5 اگست 2025 17:33

ایران میں 5.7 شدت کا خوفناک زلزلہ، کئی شہر لرز اٹھے

تہران(اُردو پوائنٹ اخبارتازہ ترین - این این آئی۔ 05 اگست2025ء)ایران کے جنوبی صوبے کرمان میں منگل 5.7 شدت کا زلزلہ آیا جس کے باعث کئی شہر لرز اٹھے۔جرمن ریسرچ سینٹر برائے جیوسائنسز کے مطابق زلزلے کی شدت 5.73 ریکارڈ کی گئی، جب کہ اس کا مرکز زمین کے 10 کلومیٹر نیچے تھا۔

(جاری ہے)

زلزلہ جنوبی اور جنوب مشرقی ایران کے مختلف علاقوں میں محسوس کیا گیا۔ابھی تک کسی جانی یا مالی نقصان کی اطلاع موصول نہیں ہوئی ہے، تاہم مقامی حکام صورتحال کا جائزہ لے رہے ہیں۔ایرانی میڈیا کے مطابق لوگ خوف کے مارے گھروں سے باہر نکل آئے اور کچھ علاقوں میں موبائل نیٹ ورک بھی متاثر ہوا۔زلزلے کے بعد آفٹر شاکس کا خدشہ بھی ظاہر کیا گیا ہے۔