قاضی حسین احمد میڈیکل کمپلیکس ایم ٹی آئی نوشہرہ میں آئی پی سی ٹریننگ سیشن کا انعقاد

منگل 5 اگست 2025 18:45

پشاور (اُردو پوائنٹ اخبارتازہ ترین - اے پی پی۔ 05 اگست2025ء) قاضی حسین احمد میڈیکل کمپلیکس ایم ٹی آئی نوشہرہ میں آئی پی سی ٹریننگ سیشن کا انعقاد ہوا ۔ تر جمان کے مطابق ہسپتال ڈائریکٹر ایسوسی ایٹ پروفیسر ڈاکٹر کامران حکیم اور میڈیکل ڈائریکٹر پروفیسر ڈاکٹر سردار سہیل آفسر کی ہدایات کی روشنی میں انفیکشن پریونشن اینڈ کنٹرول سیشن پر ٹریننگ دی گئی۔

(جاری ہے)

آئی پی سی ٹریننگ کا انعقاد انڈس ہسپتال کی وساطت سے کیا گیا جس میں ڈسٹرکٹ کوارڈینیٹر اصغر خان اور آئی پی سی میڈیکل آفیسر ڈاکٹر حنا اکبر نے آئی پی سی پر لیکچر دیئے اور گروپ ایکٹیویٹی کا انعقاد کیا۔ ٹریننگ سیشن میں ڈاکٹرز اور نرسنگ سٹاف نے شرکت کی۔ ٹریننگ کے اختتام پر ہسپتال ڈائریکٹر ایسوسی ایٹ پروفیسر ڈاکٹر کامران حکیم خان اور ڈین نوشہرہ میڈیکل کالج نے انڈس ہسپتال کی کاوشوں کو سراہا ۔