7 ماہ کے دوران لاہورکے مختلف علاقوں میں 204افراد قتل ہوئے ‘پولیس ریکارڈ

بدھ 6 اگست 2025 22:51

لاہور (اُردو پوائنٹ اخبارتازہ ترین - این این آئی۔ 06 اگست2025ء) صوبائی دارالحکومت کے شہر لاہور میں قتل، اقدام قتل اور ڈکیتی مزاحمت کے دوران قتل کی وارداتیں جاری، رواں سال کے پہلے 7ماہ کے دوران مختلف علاقوں میں 204افراد کو قتل کر دیا گیا۔پولیس ریکارڈ کے مطابق ڈکیتی مزاحمت پر قتل کے 5جبکہ اقدام قتل کے 414مقدمات درج کئے گئے تاہم ڈکیتی مزاحمت پر قتل کی 3وارداتوں کیساتھ صدر ڈویژن سرفہرست رہا، سٹی ڈویژن میں ڈکیتی مزاحمت پر 2افراد کو ڈاکوئوں نے فائرنگ کر کے موت کے گھاٹ اتار دیا۔

(جاری ہے)

ریکارڈ کے مطابق قتل کی وارداتوں میں ماڈل ٹائون ڈویژن 45مقدمات کے ساتھ سر فہرست رہا، صدر ڈویژن قتل کی 44وارداتوں کے ساتھ دوسرے نمبر پر رہا، کینٹ ڈویژن قتل کے 39مقدمات کے ساتھ تیسرے نمبر پر رہا، سٹی ڈویژن میں 32، سول لائنز اور اقبال ٹائون ڈویژن میں 22، 22افراد قتل ہوئے۔اقدام قتل کی وارداتوں میں کینٹ ڈویژن 120مقدمات کے ساتھ سر فہرست رہا، ماڈل ٹائون ڈویژن اقدام قتل کی 82وارداتوں کے ساتھ دوسرے نمبر پر رہا، سٹی ڈویژن اقدام قتل کے 76مقدمات کے ساتھ تیسرے نمبر پر رہا، صدر ڈویژن میں 72، اقبال ٹائون ڈویژن میں اقدام قتل کے 38مقدمات درج ہوئے جبکہ سول لائنز ڈویژن میں 7ماہ میں اقدام قتل کی 26وارداتیں ہوئیں۔