قواعدِ کار و طریقہ کار میں ترامیم کو حتمی شکل دینے کیلئے قائمہ کمیٹی کا اجلاس

بدھ 6 اگست 2025 21:50

پشاور (اُردو پوائنٹ اخبارتازہ ترین - این این آئی۔ 06 اگست2025ء)خیبرپختونخوا اسمبلی کی قائمہ کمیٹی برائے قواعدِ کار و طریقہ کار، استحقاقات اور حکومتی یقین دہانیوں پر عملدرآمد کا ایک اہم اجلاس اسمبلی کے کانفرنس روم میں منعقد ہوا جس کی صدارت ڈپٹی اسپیکر ثریا بی بی نے کی، جبکہ وزیر قانون و پارلیمانی امور آفتاب عالم آفریدی نے بھی شرکت کی۔اجلاس میں کمیٹی کے اراکینِ صوبائی اسمبلی تاج ترند، افتخار علی مشوانی، عبدالسلام آفریدی، انور خان, شیر علی آفریدی, میاں شرافت علی اور مشتاق احمد غنی نے شرکت کی۔

اسمبلی سیکرٹریٹ کی جانب سے قائم مقام سیکرٹری اسمبلی سید محمد ماہر, سینئر ایڈیشنل سیکرٹری انعام اللہ خان، ایڈیشنل سیکرٹری نعیم درانی سابقہ سپیشل سیکرٹری امجد علی خان, حکمہ قانون و اٹارنی جنرل آفس کے متعلقہ افسران اجلاس میں موجود تھے۔

(جاری ہے)

اجلاس میں خیبرپختونخوا اسمبلی کے قواعد و ضوابط کا تفصیلی جائزہ لیتے ہوئے ان میں ضروری ترامیم کو حتمی شکل دینا تھا۔

اس حوالے سے قواعد کو ڈیجیٹل سکرین پر پیش کیا گیا اور ہر شق پر اجلاس کے دوران ہی اراکین کی آرااور تجاویز لی گئیں۔ مشاورت کے بعد متعدد اہم نکات پر اتفاق رائے سے ترامیم کو حتمی صورت دی گئی۔ اجلاس میں اہم نکات جیسے حلف برداری،ممبران کی نشت،قائمہ کمیٹیوں و پبلک اکاونٹس کمیٹیوں کے انتخاب و کمپوزیشن،پبلک اکاونٹس کمیٹی کے اختیارات،جوڈیشل،ہائوس اینڈ لایبریری و لاریفارمز کمیٹیوں کے طریقہ کار،قایمہ کمیٹیوں کے چیرپرسنز کے کونسل کے قیام،سپیکر و ڈپٹی سپیکر کونسل کے قیام کے حوالے سے تجاویز و ترامیم پیش کی گئیں۔

اجلاس میںڈپٹی سپیکر ثریا بی بی نے اظہار خیال کرتے ہوئے کہا ''ایوان کے قواعد و ضوابط میں بہتری نہ صرف قانون سازی کے عمل کو بہتر بناتی ہے بلکہ جمہوری اداروں کو مضبوط کرنے میں بھی مددگار ثابت ہوتی ہے اور کمیٹی کی سنجیدہ مشاورت قابل تحسین ہے۔