، پانی کی چوری روکی جاسکے گی، مرتضی وہاب

جمعہ 8 اگست 2025 19:46

کراچی (اُردو پوائنٹ اخبارتازہ ترین - این این آئی۔ 08 اگست2025ء)میئر کراچی مرتضی وہاب نے کہا ہے کہ کورنگی، ملیر اور ضلع وسطی میں آبادی تیزی سے بڑھی ہے، پانی کی الیویٹڈ لائنیں لگا رہے ہیں جس سے پانی کی چوری روکی جاسکے گی۔خصوصی گفتگو میں مرتضی وہاب نے کہا کہ شہر کے ٹیل اینڈ علاقوں میں پانی کی سپلائی کیلئے لائنیں بچھا رہے ہیں، 10 ارب روپے کی لاگت سے اکتوبر میں شہر کے ٹیل اینڈ علاقوں میں پانی کی لائنوں کے پراجیکٹ کا آغاز کردیا جائے گا۔

(جاری ہے)

میئر کراچی نے کہا کہ کے فور پراجیکٹ میں 23-2022 میں بہت بے ضابطگیاں ہوئیں، ماضی میں کے فور منصوبے پر سنجیدگی سے کام نہیں ہوا، واپڈا کا کلیم ہی2026 دسمبر تک وہ کے فور پراجیکٹ پر اپنا کام مکمل کرلے گا۔انہوں نے کہا کہ ہر صنعتی علاقے میں فائر اسٹیشن موجود ہے، جہاں دو فائر ٹینڈرز موجود ہوتے ہیں، فائر کا اسٹاف کے ایم سی کا ہے، کل لانڈھی میں فیکٹری میں آگ لگی، ہماریفائر فائٹرز وہاں پہنچے، پانی کی سپلائی بحال رکھی۔مرتضی وہاب نے کہا کہ وفاقی حکومت کو کراچی کو سپورٹ کرنا چاہیے، تمام انڈسٹری ایسوسی ایشنز سے کہتا ہوں ہمیں مسائل کے حل کیلئے ورکنگ ری لیشن کی ضرورت ہے۔

Facebook Twitter Google + Share on Whatsapp

، پانی کی چوری روکی جاسکے گی، مرتضی وہاب

متعلقہ عنوان :

مزید قومی خبریں