لاہور: دل کا دورہ پڑنے پر میاں، بیوی فلائی اوور سے گر کر جاں بحق

جمعہ 8 اگست 2025 22:32

لاہور (اُردو پوائنٹ اخبارتازہ ترین - آن لائن۔ 08 اگست2025ء)فیصل ٹاؤن کے علاقے اکبر چوک فلائی اوور پر افسوسناک حادثے میں میاں بیوی جاں بحق ہو گئے۔ پولیس ذرائع کے مطابق اقبال ٹاؤن سے فیروز پور روڈ پر واقع اپنے گھر واپس جاتے ہوئے 65 سالہ شیخ افضل کو فلائی اوور سے اترتے وقت دل کا دورہ پڑا۔ موٹرسائیکل بے قابو ہو کر باؤنڈری وال سے ٹکرا گئی اور دونوں میاں بیوی نیچے جاگرے۔

(جاری ہے)

حادثے میں 60 سالہ بیگم عابدہ نور موقع پر جاں بحق ہو گئیں جبکہ شوہر شیخ افضل اسپتال منتقلی کے دوران دم توڑ گئے۔دوسری جانب کینال روڈ پر شاہکام چوک کے قریب تیز رفتار کار کی ٹکر سے 24 سالہ موٹرسائیکل سوار طبیب اور ایک اور شخص جاں بحق ہو گئے۔ سندر پولیس نے کار ڈرائیور محمد احمد یار کے خلاف تیز رفتاری، لاپرواہی اور شہریوں کی جان لینے کی دفعات کے تحت مقدمہ درج کر لیا ہے۔ پنجاب حکومت کی جانب سے گرمیوں کی تعطیلات میں توسیع کا اعلان سامنے آنے کے بعد آل پاکستان پرائیویٹ اسکولز مینجمنٹ ایسوسی ایشن نے اس فیصلے کو بلاجواز قرار دے دیا ہے اور فوری نظرثانی کا مطالبہ کر دیا ہے۔