ڈائریکٹوریٹ جنرل اسپورٹس خیبرپختونخوا کے زیر اہتمام جشنِ آزادی کا ہفتہ بھرپور انداز میں منایا جارہا ہے

جمعہ 8 اگست 2025 20:10

پشاور(اُردو پوائنٹ اخبارتازہ ترین - این این آئی۔ 08 اگست2025ء)ڈائریکٹوریٹ جنرل اسپورٹس خیبرپختونخوا کے زیر اہتمام جشنِ آزادی کا ہفتہ بھرپور انداز میں منایا جا رہا ہے۔ اس سلسلے میں مختلف کھیلوں کے مقابلے اور تقریبات جاری ہیں۔ جبکہ 13 اگست کی شب روایتی علاقائی رقص، مارشل آرٹس، میجک شو، نیلام گھر، موسیقی اور رات 12 بجے شاندار آتشبازی کا مظاہرہ کیا جائے گا۔

ریجنل اسپورٹس آفس پشاور کے مطابق تقریبات کا آغاز نمائشی کرکٹ میچ سے ہو چکا ہے۔جمعہ کے روز کبڈی کے مقابلے ہوئے جبکہ 9 اگست کو قیوم اسپورٹس کمپلیکس میں انٹر کلب باکسنگ چیمپئن شپ اور 10 اگست کو انٹر کلب ووشو چیمپئن شپ منعقد ہوگی۔ 11 اگست کو بیڈمنٹن، ٹیگ بال اور باسکٹ بال کے میل و فیمل ایونٹس قیوم اسٹیڈیم پشاور میں ہوں گیجبکہ 12 اگست کو لیکروس اور جوڈو کے مقابلے شیڈول ہیں۔

(جاری ہے)

14 اگست کو دن میں ٹیبل ٹینس اور ہاکی کے مقابلے ہوں گے جبکہ رات کو میوزیکل کنسرٹ میں پشتو و اردو موسیقی، علاقائی رقص، میجک شو اور مارشل آرٹس کے ساتھ ساتھ آتشبازی کا شاندار مظاہرہ ہوگا۔صوبائی وزیر کھیل و امور نوجوانان سید فخر جہاں نے اس حوالے سے کہا کہ وزیر اعلیٰ خیبر پختونخوا کی ہدایت پر صوبے کے تمام اضلاع میں انٹر ڈسٹرکٹ مقابلے اور دیگر تقریبات منعقد کی جا رہی ہیں جن میں مختلف کھیلوں کے مقابلے ہوں گے۔