نا اہل ،ائیر کنڈیشنڈکمروں تک محدود افسران کو ریلوے میں رہنے کوئی حق نہیں‘حنیف عباسی

وارننگ دیتا ہوں کہ سیفٹی معاملات کو بہتر بنا لیں یا ریٹائرمنٹ لے لیں‘ وفاقی وزیر ٹرینوں کی ڈی ریلمنٹس کے واقعا ت پر برہم ٹرین ڈرائیورز کے ہاتھ میں 1100 مسافروں کی جان ہے، انہیں ریفریشر کورس کروائیں‘ وفاقی وزیر کی زیر صدارت ہنگامی اجلا

اتوار 17 اگست 2025 20:30

نا اہل ،ائیر کنڈیشنڈکمروں تک محدود افسران کو ریلوے میں رہنے کوئی حق ..

لاہور(اُردو پوائنٹ اخبارتازہ ترین - این این آئی۔ 17 اگست2025ء) وفاقی وزیر ریلوے حنیف عباسی نے ٹرینوں کے ڈی ریلمنٹس کے واقعات پر انتہائی برہمی کا اظہار کرتے ہوئے کہا ہے کہ نا اہل اور ائیر کنڈیشنڈکمروں تک محدود افسران کو ریلوے میں رہنے کوئی حق نہیں،سیفٹی پر کوئی سمجھوتا نہیں کروں گا، غفلت کرنے والوں کے خلاف میرا کھلا اعلانِ جنگ ہے۔وزیر ریلوے محمد حنیف عباسی نے ریلوے ہیڈ کوارٹرز لاہور میں ہنگامی اجلاس کی صدارت کی ۔

(جاری ہے)

اجلاس میںٹرین آپریشن کے سیفٹی اقدامات پر تفصیلی بریفنگ دی گئی ۔ وزیر ریلوے حنیف عباسی نے کہا کہ وارننگ دیتا ہوں کہ سیفٹی معاملات کو بہتر بنا لیں یا ریٹائرمنٹ لے لیں،سسٹم سے ڈمی کوچز نکالیں، چاہے اس کے لئے کوئی ٹرین بند ہی کیوں نہ کرنی پڑے ،ٹریک کی مسلسل ٹرالی انسپکشن کریں اور اسے آپریشن کے لئے محفوظ بنائیں ،ویجی لینس کے شعبہ کو تمام ضروری سہولیات فراہم کی جائیں۔ انہوں نے کہا کہ ٹرین ڈرائیورز کے ہاتھ میں 1100 مسافروں کی جان ہے، انہیں ریفریشر کورس کروائیں،لگج اور بریک وین کے معاہدوں میں توسیع کی بجائے شفافیت کے ساتھ اوپن آکشن کریں۔