سونے کی فی تولہ قیمت 300 روپے کم ہو کر 3 لاکھ 62 ہزار 400 روپے تولہ ہوگئی

ہفتہ 9 اگست 2025 16:03

اسلام آباد (اُردو پوائنٹ اخبارتازہ ترین - اے پی پی۔ 09 اگست2025ء) سونے کی فی تولہ قیمت 300 روپے کم ہو کر 3 لاکھ 62 ہزار 400 روپے تولہ ہوگئی۔ آل پاکستان صرافہ ، جیمز اینڈ جیولرز ایسوسی ایشن کے مطابق ہفتہ کو 24 قیراط سونے کی مقامی قیمت میں 300 روپے کمی ہوئی اور فی تولہ قیمت 3 لاکھ 62 ہزار 400 روپے ہوگئی، گزشتہ روز 24 قیراط سونے کی فی تولہ قیمت 3 لاکھ 62 ہزار 700 روپے تھی۔

(جاری ہے)

10 گرام 24 قیراط سونے کی قیمت میں بھی 257 روپے کی کمی سے قیمت 3 لاکھ 10 ہزار 956 روپے کے مقابلہ میں 3 لاکھ 10 ہزار 699 روپے ہوگئی جبکہ 22 قیراط کے 10 گرام سونے کی قیمت بھی 236 روپے کی کمی سے 2 لاکھ 85 ہزار 53 روپے کے مقابلہ میں 2 لاکھ 84 ہزار 817 روپے ہوگئی ۔ فی تولہ اور 10 گرام چاندی کی قیمت میں بھی بالترتیب 9 روپے اور 7 تا 12 روپے کی کمی سے چاندی کی فی تولہ اور 10 گرام قیمت 4064 روپے اور 3484 روپے ہوگئی۔ ایسوسی ایشن نے کہا کہ بین الاقوامی مارکیٹ میں بھی سونے کی قیمت میں 3 ڈالر کی کمی سے قیمت 3400 ڈالر کے مقابلے میں 3397 ڈالر جبکہ چاندی کی قیمت 0.09 ڈالر کی کمی سے 38.40 ڈالر کے مقابلہ میں 38.31 ڈالر تک کم ہوئی ہیں۔