ڈی پی او سیالکوٹ کی گزشتہ روز شہید ہونیوالے ہیڈ کانسٹیبل افتخار سندھو کے گھر آمد، اہلِ خانہ سے اظہار تعزیت

ہفتہ 9 اگست 2025 20:30

سیالکوٹ (اُردو پوائنٹ اخبارتازہ ترین - اے پی پی۔ 09 اگست2025ء) ڈسٹرکٹ پولیس آفیسر سیالکوٹ فیصل شہزاد گزشتہ روز پولیس مقابلے میں شہید ہونے والے ہیڈ کانسٹیبل افتخار سندھو کے گھر گئے۔

(جاری ہے)

ترجمان سیالکوٹ پولیس کے مطابق انہوں نے شہید کے اہلِ خانہ سے تعزیت کی، بچوں کے سروں پر دستِ شفقت رکھا اور شہید کے درجات کی بلندی کے لیے دعا کی۔ڈی پی او فیصل شہزاد نے اس موقع پر کہا کہ پوری قوم اپنے شہداء اور ان کی فیملیز کی لازوال قربانیوں کی قرضدار ہے۔ شہید فیملی کا ہر طرح سے خیال رکھا جائے گا اور پنجاب پولیس اپنے شہداء کے خاندانوں کو کبھی تنہا نہیں چھوڑے گی۔