دی ہنڈرڈ کرکٹ کمپٹیشن کا نواں میچ پیر کو کھیلا جائے گا

اتوار 10 اگست 2025 14:20

مانچسٹر (اُردو پوائنٹ اخبارتازہ ترین - اے پی پی۔ 10 اگست2025ء) انگلینڈ اینڈ ویلز کرکٹ بورڈ (ای سی بی ) کے زیر اہتمام ہنڈرڈ کرکٹ کمپٹیشن کا پانچواں ایڈیشن انگلینڈ میں جاری ہے جس میں 8 ٹیمیں ٹائٹل کے حصول کے لئے ایکشن میں ہیں اور شائقین کرکٹ کو انتہائی دلچسپ اور کانٹے دار مقابلے دیکھنے کو ملیں گے۔ٹورنامنٹ میں شامل 8 ٹیموں میں ٹرینٹ راکٹس ، برمنگھم فینکس ،لندن سپرٹ ،مانچسٹر اوریجنلز،ناردرن سپر چارجرز،اوول انونسیبل،سدرن برئیو اور ویلش فائر شامل ہیں۔

ٹورنامنٹ میں (کل )پیر کو مزید ایک میچ کھیلا جائے گا،جس میں مانچسٹر اوریجنلز اور لندن سپرٹ کی ٹیمیں ایمریٹس اولڈ ٹریفورڈ، مانچسٹر کے مقام پر پنجہ آزمائی کریں گے ۔ ہنڈرڈ ایک پیشہ ورانہ 100 گیندوں پر مشتمل کرکٹ ٹورنامنٹ ہے جس میں انگلینڈ اور ویلز کے بڑے شہروں سے 8 مردوں کی ٹیمیں ٹائٹل کے حصول کے لئے پنجہ آزمائی کررہی ہیں۔

(جاری ہے)

ہنڈرڈ اپنی نوعیت کا رواں موسم گرما کا پانچواں ایونٹ ہے ۔ ہنڈرڈ کا پہلا ایڈیشن کووڈ۔ 19 کی وبا کی وجہ سے ایک سال کی تاخیر سے 2021 میں شروع ہوا تھا۔ ہینڈرڈ بہت ہی مختصر فارمیٹ کا کھیل ہے جس کے ہر میچ کا دورانیہ ڈھائی گھنٹے ہے ۔ٹورنامنٹ میں فائنل سمیت 34 میچز کھیلے جائیں گے،ٹورنامنٹ کا فائنل میچ 31اگست کو لارڈز ، لندن میں کھیلا جائے گا۔