سرگودھا پولیس کے اتوار کے روز گرجا گھروں کی سیکورٹی کیلئے موثر انتظامات

اتوار 10 اگست 2025 18:30

سرگودھا (اُردو پوائنٹ اخبارتازہ ترین - اے پی پی۔ 10 اگست2025ء) ڈسٹرکٹ پولیس آفیسرسرگودھامحمد صہیب اشرف کی ہدایت پر سرگودھا پولیس نے اتوار کے روزگرجا گھروں کی سیکورٹی کیلئے موثر و فول پروف انتظامات کئے۔سرگودھا پولیس کے سو سے زائد افسران و جوانوں نے ڈیوٹی کے فرائض سر انجام دیئے ۔ اس کے علاوہ ٹریفک کی روانی کو برقرار رکھنے کے لیے ٹریفک پولیس کے جوان بھی الرٹ رہے۔

(جاری ہے)

پروگرام میں شامل ہونے والے ہر شخص، گاڑی، موٹر سائیکل وغیرہ کو مکمل چیکنگ کے بعد آنے دیاگیا، علاوہ ازیں چیکنگ کے لئے اہم پوائنٹس پر واک تھرو گیٹ اور میٹل ڈیٹیکٹرکابھی استعمال یقینی بنایا گیا۔چرچز میں عورتوں کی شرکت کے حوالے سے لیڈیز پولیس کی ڈیو ٹی بھی لگائی گئی تھی ۔ چرچز پر پارکنگ کا مناسب انتظام کیا گیا تھا۔ سینئر پولیس افسران ڈیوٹی پرمامور جونئیر افسران و اہلکاروں کو چیک اور ڈیوٹی کے متعلق بریف کر تے رہے۔

علاؤہ ازیں تھانہ جات کی موبائلز، ایلیٹ فورس اور محافظ فورس کی خصوصی ٹیموں نے بھی گشت کے فرائض سرانجام دیئے۔ ڈسٹرکٹ پولیس آفیسر سرگودہا محمد صہیب اشرف نے کہا کہ شہریوں کی جان و مال کا تحفظ اولین ذمہ داری ہے جس کے لیے تمام وسائل بروئے کار لائے جا رہے ہیں۔