سعودی عرب میں بلیو کالر ملازمتوں کے خواہش مند پاکستانیوں کیلئے بڑی خبر

راولپنڈی میں ٹیسٹ ڈرائیونگ کا انعقاد، کامیاب امیدوار بلیو کالر جابز کے اہل قرار پائیں گے

منگل 12 اگست 2025 20:05

سعودی عرب میں بلیو کالر ملازمتوں کے خواہش مند پاکستانیوں کیلئے بڑی ..

راولپنڈی (اُردو پوائنٹ اخبارتازہ ترین - این این آئی۔ 12 اگست2025ء) سعودی عرب میں بلیو کالر جابز کیلئے راولپنڈی میں پہلی بار ڈرائیونگ ٹیسٹ کا انعقاد کیا گیا ،جس میں 20 امیدواروں کی اسسمنٹ مکمل کرلی گئی۔راولپنڈی میں منعقد ہونے والے ڈرائیونگ ٹیسٹ میں حصہ لینے والے 20 امیدواروں نے موٹر سائیکل، کار اور ٹیکسی ڈرائیورز نے کمپیوٹر اور پریکٹیکل ٹیسٹ دیا۔

(جاری ہے)

ٹیسٹ میں کامیاب ہونے والے امیدواروں کو تکامل ہولڈنگ سعودی عرب کی جانب سے سرٹیفکیٹ جاری ہوں گے ،جس کے تحت وہ مملکت میں بلیو کالر جابز کے اہل قرار پائیں گے۔ڈرائیونگ ٹیسٹ کا اسسمنٹ انچارج لائسنس برانچ، نیفڈیک نمائندے اور اسسمنٹ افسران موجودگی میں ہوا۔ سٹی ٹریفک آفیسر فرحان اسلم نے اس اقدام کو خوش آئند قرار دیتے ہوئے کہا کہ یہ بیرون ملک روزگار کے خواہشمند افراد کے لیے سنہری موقع ہے۔انہوں نے پہلے ٹیسٹ کی شفافیت اور کامیابی پر عملے کو شاباش دی اور کہا کہ سٹی ٹریفک پولیس شہریوں کو بہتر سہولیات فراہم کرنے کیلئے پرعزم ہے۔ انہوں نے اپیل کی کہ شہری قانونی طریقہ اختیار کر کے اپنے خوابوں کو حقیقت بنائیں۔