سیلز ٹیکس رجسٹرڈ افراد کا ایف بی آر سسٹم سے منسلک ہونا لازم

ڈیبٹ، کریڈٹ کارڈ مشین، کیو آر کوڈ اور ڈیجیٹل ادائیگیوں کو ایف بی آر سے لنک کرنا ہو گا،ذرائع

اتوار 10 اگست 2025 20:15

اسلام آباد(اُردو پوائنٹ اخبارتازہ ترین - این این آئی۔ 10 اگست2025ء)سیلز ٹیکس رجسٹرڈ افراد کا ایف بی آر کے کمپیوٹرائزڈ سسٹم سے منسلک ہونا لازمی قرار دیا گیا ۔ذرائع کے مطابق بزنس پوائنٹ کی نگرانی کیلئے سی سی ٹی وی کیمرے لگیں گے، ڈیبٹ، کریڈٹ کارڈ مشین، کیو آر کوڈ اور ڈیجیٹل ادائیگیوں کو ایف بی آر سے لنک کرنا ہو گا۔ایف بی آر کی دستاویز کے مطابق آن لائن فروخت کیلئے ویب سائٹ، سافٹ ویئر اور موبائل ایپلی کیشن بھی لنک ہوں گی۔

(جاری ہے)

دستاویز کے مطابق انٹیگریٹڈ شخص ٹیکس افسر کو کاروباری احاطے، ریکارڈ تک رسائی دینے کا پابند ہو گا، الیکٹرانک سسٹم سے چھیڑ چھاڑ کرنے والے کو جرمانہ اور پابندیاں لگیں گی۔دستاویز کے مطابق انٹرنیٹ یا بجلی کی بندش کی صورت میں انوائسز 24 گھنٹے میں اپ لوڈ کرنا لازمی ہو گا، یومیہ، ہفتہ وار اور مہینے کے آخر میں الیکٹرانک انوائسز کا ریکارڈ مرتب کرنا ہو گا۔دستاویز کے مطابق ڈیجیٹل انوائسز یا آن لائن فروخت کی انوائسز کا ڈیٹا 6 سال تک محفوظ رکھنا بھی لازمی قرار دیا گیا ہے۔