ویسٹ انڈیز اور پاکستان کے درمیان تیسرا اور فیصلہ کن ایک روزہ میچ کل ہوگا

پیر 11 اگست 2025 13:19

ٹرینیڈاڈ(اُردو پوائنٹ اخبارتازہ ترین - این این آئی۔ 11 اگست2025ء)ویسٹ انڈیز اور پاکستان کی کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا تیسرا اور فیصلہ کن میچ کل (منگل کو) برائن لارا سٹیڈیم، تاروبا، ٹرینیڈاڈمیں کھیلا جائے گا۔یہ میچ ڈے اینڈ نائٹ ہوگا اور فلڈ لائٹس کی روشنی میں کھیلا جائے گا۔اس سے قبل دونوں ٹیموں کے درمیان 3ٹی -20 بین الاقوامی میچوں کی سیریز مکمل ہوچکی ہے جو پاکستان کی ٹیم نے 1-2 سے جیت لی تھی۔

(جاری ہے)

دونوں ٹیموں کے درمیان تین ون ڈے میچوں کی سیریز 1-1 سے برابر ہے پاکستان کی ٹیم نے پہلے ون ڈے میچ میں میزبان ویسٹ انڈین ٹیم کو 5 وکٹوں سے شکست دی تھی تاہم میزبان ٹیم نے سیریز میں جاندار کم بیک کرتے ہوئے پاکستان کی ٹیم کو دوسرے ون ڈے میچ میں 5 وکٹوں سے شکست دے کر سیریز 1-1 سے برابر کر دی تھی۔تین ون ڈے میچوں کی سیریز کا تیسرا اور فیصلہ کن میچ منگل کو کھیلا جائے گا۔ دونوں ٹیموں کے کپتانوں میچ سمیت سیریز میں کامیابی کے لئے بیانات دیئے ہیں اور تیسرے اور فیصلہ کن ون ڈے میچ میں کانٹے دار مقابلے کی توقع کی جارہی ہے۔ تین و ن ڈے میچوں کی سیریز میں مایہ ناز وکٹ کیپر بلے باز محمد رضوان گرین شرٹس کی قیادت کریں گے جبکہ ویسٹ انڈیز ٹیم کو شائی ہوپ لیڈ کریں گے۔