م*قومی اسمبلی اجلاس : کس ملک میں کتنے پاکستانی قید ہیں کی تفصیلات پیش کردی گئیں

~مشرق وسطیٰ اور جنوب مشرقی ایشیائ کے ممالک میں 15 ہزار 953 پاکستانی قید ہیں تین ممالک کے ساتھ ملزمان کی حوالگی کا معاہدہ ہونے کے باوجود وہاں پاکستانی قیدیوں کی تعداد 13 ہزار 852 ہے، وزارت خارجہ

پیر 11 اگست 2025 19:40

ٴ اسلام آباد(اُردو پوائنٹ اخبارتازہ ترین - آن لائن۔ 11 اگست2025ء)قومی اسمبلی اجلاس میں کس ملک میں کتنے پاکستانی قید ہیں کی تفصیلات پیش کردی گئیں وزارت خارجہ کے مطابق مشرق وسطیٰ اور جنوب مشرقی ایشیائ کے ممالک میں 15 ہزار 953 پاکستانی قید ہیں تین ممالک کے ساتھ ملزمان کی حوالگی کا معاہدہ ہونے کے باوجود وہاں پاکستانی قیدیوں کی تعداد 13 ہزار 852 ہے ملزمان کی حوالگی کے معاہدہ کے باوجود سب سے زیادہ پاکستانی قیدی 10 ہزار 279 سعودی عرب میں ہیں ، وزارت خارجہ کے مطابق متحدہ عرب امارات میں 3523 اور کویت میں 50 پاکستانی قیدی ہیں،دو ہزار ایک سو قیدی ان 14 ممالک میں قید ہیں جن کے ساتھ ملزمان کی حوالگی کا معاہدہ نہیں عراق میں 81, اردن میں 8 , مصر میں 12 پاکستانی قید ہیں بحرین میں 581، عمان میں 252 اور قطر میں 599 پاکستانی قید ہیں آسٹریلیا میں 27 , جنوبی کوریا 7 اور جاپان میں 16 پاکستانی قید ہیں ملائیشیا میں 459 تھائی لینڈ 35 اور کمبوڈیا میں 22 پاکستانی قید ہیں فلپائن اور ویتنام میں ایک ایک پاکستانی قید ہے پاکستان اور سعودی عرب نے قیدیوں کی وطن واپسی کے ایک معاہدہ پر دستخط کئے ہیں اس معاہدے کے تحت 16 مجرم اپنی باقی سزا پاکستان میں کاٹ سکیں گے پاکستانی سفارتخانہ قیدیوں کی وطن واپسی کے لیے سعودی عدالتی اداروں کے ساتھ قریبی رابطہ میں ہے اب تک اس معاہدہ کے تحت 27 پاکستانی قیدیوں کو سعودی عرب سے واپس بھیجا جا چکامختلف سعودی جیلوں میں بند 735 قیدیوں کے انٹرویو کے بعد ان کے کیسز کو معاہدہ کے تحت پراسس کیا جارہا ہے۔