گل نور تمبت کے ٹوسر کرنے والی پہل ترک خاتون کوہ پیما بن گئیں

منگل 12 اگست 2025 15:53

اسلام آباد (اُردو پوائنٹ اخبارتازہ ترین - اے پی پی۔ 12 اگست2025ء) گل نور تمبت ’’کے ٹو ‘‘ کی چوٹی پر پہنچنے والی پہلی ترک خاتون کوہ پیما بن گئیں ۔ رواں سال جون سے پاکستان میں موجودگل نور کو اپنی مہم کے دوران سخت موسمی صورتحال کا سامنا رہا ۔جولائی میں سخت موسمی صورتحال کے باعث بیس کیمپ سے متعدد دسرے کوہ پیمائوں کی واپسی کے باوجود وہ اپنے مشن پر قائم رہیں،ترچ میر کی چوٹیوں کو فتح کرنے کے بعد وہ پیر گیارہ اگست کو شام چار بجے ’’کے ٹو‘‘ کی چوٹی پر پہنچنے میں کامیاب ہو گئیں ،وہ پہلی ترک کوہ پیما ہیں جن کو یہ اعزاز حاصل ہوا ہے۔

(جاری ہے)

اپنے انسٹا ہینڈل پرانہوں نے اپنی کامیابی کی اطلاع دینے کے ساتھ کے ٹو کی چوٹی پر سےاپنی تصویرشیئر کرتے ہوئے اپنی خوشی کا اظہار کرتے ہوئے اپنی ٹیم کا شکریہ ادا کیا ۔گل نور پہلی ترک خاتون ہیں جنہوں نے نیپال کی جانب سے مائونٹ ایورسٹ کو بھی سر کیا ہے،وہ اب تک سات چوٹیاں اور ترکیہ، روس، جارجیا، نیپال، ارجنٹائن اور امریکا میں 30 سے زیادہ بلند و بالا پہاڑوں پرمہم جوئی کر چکی ہیں ۔گل نور امریکا میں سان فرانسسکو سٹیٹ یونیورسٹی میں شعبہ مارکیٹنگ کی پروفیسر ہیں ،کوہ پیمائی ان کا شوق ہے جس سے وہ 17سال کی عمر سے وابستہ ہیں ۔