ہمارا اتحا ق و اتفاق ایک دن رنگ لائے گا ،صدر متحدہ قبائل آزاد پارٹی آزادکشمیر

متحدہ قبائل کے ساتھ ہونے والی نا انصافیوں کا ازالہ کرنے کا وقت آ چکا ہے،عابد علی حسین

منگل 12 اگست 2025 16:18

دھناں(اُردو پوائنٹ اخبارتازہ ترین - این این آئی۔ 12 اگست2025ء)متحدہ قبائل آزاد پارٹی آزاد کشمیر کے صدر عابد علی حسین نے کہا کہ متحدہ قبائل آزاد پارٹی میں جوق در جوق شامل ہونے والوں کو دل کی عمیق گہرائیوں سے خوش آمدید کہتا ہوں اور یقین دلاتا ہوں کہ ہمارا اتحا ق و اتفاق ایک دن رنگ لائے گا اور ہم اپنی منزل مقصود تک پہنچیں گے آنے والے دنوں میں ایک تقریب کا انعقاد بھی کیا جا رہا ہے جس میں متحدہ قبائل آزاد پارٹی کا باقاعدہ اعلان اور اپنے سفر کا آغاز کیا جائے گا ان خیالات کا اظہار متحدہ قبائل آزاد پارٹی آزاد کشمیر کے صدر عابد علی حسین نے اپنے اخباری بیان میں کیاا نھوں نے کہا کہ ہم میرٹ کے قتل عام اور برادرازم کی سیاست کو مکمل ترک کر کے دم لیں گے متحدہ قبائل کے ساتھ ہونے والی نا انصافیوں کا ازالہ کرنے کا وقت آ چکا ہے آنے والے دور میں متحدہ قبائل آزاد پارٹی ایک مضبوط جماعت کے طور پر ابھر کر سامنے آئے گی ۔