پاکستان آئیڈل 2025 کی میزبانی کا اعزاز سید شفاعت علی کے نام

دنیا کے سب سے بڑے میوزک مقابلے پاکستان آئیڈل کی گونج ایک بار پھر زور و شور سے ہر طرف سنائی دینے لگی

بدھ 13 اگست 2025 12:46

پاکستان آئیڈل 2025 کی میزبانی کا اعزاز سید شفاعت علی کے نام

کراچی (اُردو پوائنٹ اخبارتازہ ترین - این این آئی۔ 13 اگست2025ء)پاکستان آئیڈل 2025 کی میزبانی کا اعزاز سید شفاعت علی کو مل گیا۔مزاح، مستی اور انٹرٹینمنٹ کے بادشاہ اپنی میزبانی سے شو کو یادگار بنانے کو تیار ہیں، سب کی نظریں جیو پر جم گئیں۔دنیا کے سب سے بڑے میوزک مقابلے پاکستان آئیڈل کی گونج ایک بار پھر زور و شور سے ہر طرف سنائی دینے لگی ہے۔

(جاری ہے)

شائقین کے دلوں میں یہ سوال گردش کر رہا تھا کہ اس سنسنی خیز سیزن کی میزبانی کون کرے گا تو سن لیجیے یہ اعزاز حاصل کرنے جا رہے ہیں مزاح، برجستگی اور انٹرٹینمنٹ کے بادشاہ سید شفاعت علی، یہ وہی ہیں جو ہر اسٹیج کو جگمگاتے ہیں، ہر محفل کو رنگین اور ہر شو کو یادگار بنا دیتے ہیں۔اس بار وہ پاکستان آئیڈل کو بھی اپنی چمک اور توانائی سے چار چاند لگانے آ رہے ہیں۔

ایم ایچ ایل کی پیشکش جیو ٹی وی پر پاکستان آئیڈل کے لیے نوجوانوں کی بہت بڑی تعداد آڈیشنز اپ لوڈ کر رہی ہے، پروگرام کے ججز کا اعلان پہلے ہی کیا جا چکا ہے۔تو دیر نہ کیجئی!اگر آپ بھی گلوکاری کے خواب کو حقیقت میں بدلنا چاہتے ہیں تو ابھی فون اٹھائیں، اپنا ڈیجیٹل آڈیشن اپ لوڈ کریں اور شامل ہو جائیں دنیا کے سب سے بڑے میوزک مقابلے میں، کیا پتہ اگلا پاکستان آئیڈل آپ ہی ہوں