ٹیکساس، خطرناک موادلے جانے والی ٹرین کی 35 بوگیاں پٹری سے اترگئیں

بدھ 13 اگست 2025 16:45

ٹیکساس(اُردو پوائنٹ اخبارتازہ ترین - این این آئی۔ 13 اگست2025ء)امریکی ریاست ٹیکساس میں خطرناک موادلیجانے والی ٹرین پٹری سے اترگئی جس کے نتیجے میں آگ بھڑک اٹھی۔غیر ملکی خبر رساں ادارے کے مطابق حادثہ گزشتہ روز دوپہر 2 بجے کے وقت پیش آیا جس دوران ٹرین کی 35 بوگیاں پٹری سے اترگئیں۔

(جاری ہے)

جائے وقوعہ سے حاصل ہونے والی ویڈیو فوٹیج میں بھڑکتی آگ کو قریبی جھاڑیوں تک پھیلتا دیکھا گیا۔ حکام کے مطابق امدادی کارروائیاں جاری ہیں تاہم جائے وقوعہ پر حالات کنٹرول میں ہیں۔ پولیس حکام کے مطابق حادثے کے نتیجے میں خوش قسمتی سے کوئی بھی شخص زخمی نہ ہوا تاہم حادثے کی وجہ تاحال معلوم نہیں کی جاسکی ہے۔