امریکا میں خطرناک مواد لے کر جا رہی ٹرین کو حادثہ، 35 بوگیاں ایک دوسرے پر چڑھ گئیں

بدھ 13 اگست 2025 16:53

ٹیکساس(اُردو پوائنٹ اخبارتازہ ترین - این این آئی۔ 13 اگست2025ء)امریکی ریاست ٹیکساس کے ایک چھوٹے قصبے کے قریب خطرناک مواد لے جانے والی ٹرین کی 35 بوگیاں پٹڑی سے اتر گئیں۔ ٹرین کی مالک یونین پسیفک کمپنی کی ترجمان روبن ٹائسور کے مطابق حادثہ پیش آیا تاہم خوش قسمتی سے کوئی جانی نقصان نہیں ہوا اور نہ ہی کسی علاقے کو خالی کرایا گیا۔

(جاری ہے)

ٹی وی فوٹیج میں دیکھا گیا کہ پٹڑی کے قریب دیہی علاقے میں کئی بوگیاں ایک دوسرے کے اوپر پڑی ہیں جبکہ قریب ہی گھاس میں آگ لگی ہوئی ہے اور دھواں اٹھ رہا ہے۔ایمرجنسی سروسز ڈسٹرکٹ کے مطابق اس واقعے کو ممکنہ طور پر خطرناک مواد سے متعلق خطرے کے طور پر دیکھا جا رہا ہے، تاہم یہ فوری طور پر واضح نہیں ہو سکا کہ ڈبوں میں کیا سامان موجود تھا۔