وفاقی حکومت کے تمام ہسپتالوں میں یومیہ کی بنیاد پر مریضوں کے ٹیسٹ ہورہے ہیں، وفاقی وزیر صحت

بدھ 13 اگست 2025 17:17

اسلام آباد(اُردو پوائنٹ اخبارتازہ ترین - این این آئی۔ 13 اگست2025ء)وفاقی وزیرصحت سید مصطفی کمال نے کہا ہے کہ وفاقی حکومت کے تمام ہسپتالوں میں یومیہ کی بنیاد پر مریضوں کے ٹیسٹ ہورہے ہیں، درکار وقت کے مطابق رپورٹس جاری ہورہی ہیں، کچھ ٹیسٹوں کیلئی10تا 15ایام درکار ہوتے ہیں۔

(جاری ہے)

بدھ کوایم این اے شیر افضل مروت کے سوال پر قومی اسمبلی سیکرٹریٹ کو تحریری طور پر بتایا گیا کہ وفاقی حکومت کے تحت چلنے والے تمام ہسپتالوں میں لیبارٹری ٹیسٹوں اور ریڈیالوجی کل طریقہ کار کیلئے کسی قسم کا انتظار نہیں کرنا پڑتا،بہت سے ٹیسٹ ہیں جن کی رپورٹس اسی دن آتی ہیں،خون کلچر، پیشاب کاکلچر، تپ دق اور جین ایکسپرٹ کے رزلٹ کیلئے 24تا 72گھنٹوں کا وقت درکار ہوتا ہے اسی طرح ایف این اے کی فائن میڈل ایسپریشن سائٹولوجی اور ہسٹو پیتھالوجی کی پراسیسنگ کیلئے 10دن تک کا وقت درکار ہوتا ہے۔