پ*ٓپریشن بنیان المرصوص کی کامیابی سے جشن آزادی دوبالا، عظمیٰ بخاری

غیومِ آزادی قربانیوں کی یاد دہانی اور شکر گزاری کا دن ہے، وزیر اطلاعات پنجاب ںملکی دفاع میں حالیہ کامیابی اس سال کا جشنِ آزادی مزید معنی خیز بنا رہی ہے،پیغام

جمعرات 14 اگست 2025 18:20

Cالاہور (اُردو پوائنٹ اخبارتازہ ترین - آن لائن۔ 14 اگست2025ء)وزیر اطلاعات پنجاب عظمیٰ بخاری نے کہا ہے کہ آپریشن بنیان المرصوص کی کامیابی کے بعد اس سال کا جشنِ آزادی قوم کے لیے دوگنی خوشی کا باعث بن گیا ہے۔ یومِ آزادی کے موقع پر اپنے پیغام میں انہوں نے کہا کہ 14 اگست کا دن اللہ تعالیٰ کی اس عظیم نعمت کی یاد دلاتا ہے جو ہمیں شہداء کی قربانیوں اور لاکھوں مسلمانوں کی ہجرت کے نتیجے میں ملی۔

ان کا کہنا تھا کہ یومِ آزادی شکر گزاری اور عہدِ وفا کا تقاضا کرتا ہے۔

(جاری ہے)

ہمیں یاد رکھنا چاہئے کہ پاکستان بڑی قربانیوں کے بعد حاصل ہوا اور ہمیں اسے ایمان، اتحاد اور قربانی کے جذبے سے سنوارنا ہے۔عظمیٰ بخاری نے بنیان المرصوص آپریشن میں حاصل ہونے والی کامیابی کو ملکی دفاع کا اہم سنگ میل قرار دیتے ہوئے کہا کہ یہ کامیابی اس سال کے جشنِ آزادی کو مزید پرمسرت اور معنی خیز بنا رہی ہے۔عوام سے خصوصی اپیل کرتے ہوئے وزیر اطلاعات نے کہا کہ جشنِ آزادی ضرور منائیں مگر ذمہ داری کے ساتھ، اور زمین پر گری ہوئی جھنڈیاں اٹھائیں کیونکہ قومی پرچم ہماری پہچان ہے اور اسے پاؤں تلے روندنا اس کی توہین ہے۔