چہلم امام حسین کے موقع پر ضلعی انتظامیہ، پولیس اور تمام متعلقہ ادارے باہمی ہم آہنگی کے ساتھ فرائض انجام دیے، اسسٹنٹ کمشنرشیریں گُل

جمعہ 15 اگست 2025 22:13

سرگودہا (اُردو پوائنٹ اخبارتازہ ترین - اے پی پی۔ 15 اگست2025ء) اسسٹنٹ کمشنر سرگودہا شیریں گل نے شہر سے برآمد ہونے والے چہلم حضرت امام حسین علیہ السلام کے مرکزی عزاداری جلوس کے روٹ کا دورہ کیا اور انتظامات کا تفصیلی جائزہ لیا۔ اس موقع پر امن کمیٹی کے ارکان، پولیس افسران اور متعلقہ محکموں کے نمائندگان بھی اُن کے ہمراہ تھے۔

(جاری ہے)

اسسٹنٹ کمشنر نے صفائی ستھرائی، سیکیورٹی، روشنی کے انتظامات، ٹریفک کی روانی اور دیگر سہولیات کا معائینہ کیا اور موقع پر موجود افسران کو ضروری ہدایات جاری کیں۔

اسسٹنٹ کمشنر نے کہا کہ ضلعی انتظامیہ، پولیس اور تمام متعلقہ ادارے باہمی ہم آہنگی کے ساتھ فرائض انجام دیے تاکہ جلوس کے شرکاءکو ہر ممکن سہولت فراہم کی جا سکے اور امن و امان کی فضا برقرار رہے۔