پہلی نیشنل یوتھ گیمز اسلام آباد کے لیے پنجاب کی ٹیموں کے ٹرائلز

کبڈی ٹرائلز میں پنجاب کے تمام ڈویژن سے 60سے زائد کھلاڑیوںکی شرکت

جمعہ 15 اگست 2025 22:50

لاہور (اُردو پوائنٹ اخبارتازہ ترین - این این آئی۔ 15 اگست2025ء) سپورٹس ڈیپارٹمنٹ پنجاب کے زیر اہتمام پہلی نیشنل یوتھ گیمز اسلام آباد کے لیے پنجاب کی ٹیموں کے ٹرائلز جاری ہیں۔

(جاری ہے)

جمعتہ المبارک کو نشترپارک سپورٹس کمپلیکس کے ایلیٹ ٹریننگ سنٹر میں ڈی جی سپورٹس پنجاب خضر افضال چودھری کی ہدایت اور زیرنگرانی گرلزوبوائزکبڈی کے ٹرائلز کا انعقاد کیا گیا ،ٹرائلز میں پنجاب کے تمام ڈویژن سے 60سے زائد کھلاڑیوںنے شرکت کی ،ٹرائلز کمیٹی طاہر وحید جٹ ،شاہد گل، شاہد جٹ اور راجہ ممتاز نے کھلاڑیوں سے ٹرائلز لیے ،ٹرائلز کمیٹی نے کھلاڑیو ں کے درمیان کبڈی میچز بھی کروائے۔

ڈی جی سپورٹس پنجاب خضرافضال چودھری نے کہا کہ پہلی نیشنل یوتھ گیمز اسلام آباد کے لیے پنجاب کی ٹیموں کے ٹرائلز جاری ہیں، کبڈی کے ٹرائلزمیرٹ پر لیے جارہے ہیں،22اگست سے نشتر سپورٹس کمپلیکس میںتمام گیمز کے تربیتی کیمپ شروع ہو ںگے،جو 5ستمبر تک جاری رہیں گے۔واضح رہے 7سے 13ستمبر تک پہلی نیشنل یوتھ گیمزاسلام آباد میں ہوں گے۔