ظ*محبوب عالم نے ایگزیکٹوڈائریکٹر لاہور آرٹس کونسل الحمراء کا چارج سنبھال لیا

جمعہ 15 اگست 2025 20:25

:لاہور (اُردو پوائنٹ اخبارتازہ ترین - آن لائن۔ 15 اگست2025ء) حکومت پنجاب نے محبوب عالم کو ایگزیکٹوڈائریکٹر الحمراء تعینات کر دیا۔ محبوب عالم نے ایگزیکٹوڈائریکٹر لاہور آرٹس کونسل الحمراء کا چارج سنبھال کر اپنے کام کا آغاز کردیا۔محبوب عالم اس سے قبل ایڈیشنل سیکرٹری ایڈمن ،ْ انفارمیشن اینڈ کلچر تعینات تھے۔ وہ پنجاب آرٹس کونسل کے ایگزیکٹوڈائریکٹر بھی رہ چکے ہیں، کئی ایک دیگر اہم اداروں کے سربراہ کے طور پر اپنی خدمات بخوبی احسن ادا کر چکے ہیں۔

(جاری ہے)

چیئرمین الحمراء رضی احمد ،الحمراء افسران و ملازمین نے محبوب عالم کی الحمراء تعیناتی کا خیر مقد م کیا اور انکے نیک تمنائوں کا اظہار کیا۔محبوب عالم نے اپنے چارج سنبھالنے کے موقع پر کہا کہ اپنی برس ہا برس پر مبنی سروس میں ہمیشہ ایمانداری ، مستقل مزاجی، منصوبہ بندی کو ہمیشہ پروفیشنلز کی بنیاد سمجھا ہے، ویژن ،مثبت روی کی بدولت ہر چیلنج سے نبرآزما ہو ا جا سکتا ہے۔اس موقع پر انھوں نے ڈپٹی ڈائریکٹر ایڈمن عمیر حسن، ڈپٹی ڈائریکٹر محمد عارف و دیگر سے ملاقات کی ۔محبوب عالم کو ان کی وسیع تر تجربہ کی روشنی میں اہم سنگ میل سمجھا جا رہا ہے۔ وہ دوران سروس کئی اہم عہدوں پر اپنی ذمہ داریاںبخوبی احسن انداز میں نبھا چکے ہیں۔