پہلی نیشنل یوتھ گیمز اسلام آباد کے لیے پنجاب کی ٹیموں کے ٹرائلز

ڈی جی سپورٹس پنجاب خضر افضال چودھری کی ہدایت اور زیرنگرانی کبڈی کے ٹرائلز کبڈی ٹرائلز میں پنجاب کے تمام ڈویژن سے 60سے زائد کھلاڑیوں کی شرکت

جمعہ 15 اگست 2025 22:05

لاہور(اُردو پوائنٹ اخبارتازہ ترین - این این آئی۔ 15 اگست2025ء)سپورٹس ڈیپارٹمنٹ پنجاب کے زیر اہتمام پہلی نیشنل یوتھ گیمز اسلام آباد کے لیے پنجاب کی ٹیموں کے ٹرائلز جاری ہیں، جمعتہ المبارک کو نشترپارک سپورٹس کمپلیکس کے ایلیٹ ٹریننگ سنٹر میں ڈی جی سپورٹس پنجاب خضر افضال چودھری کی ہدایت اور زیرنگرانی گرلزوبوائزکبڈی کے ٹرائلز کا انعقاد کیا گیاہے،ٹرائلز میں پنجاب کے تمام ڈویژن سے 60سے زائد کھلاڑیوں نے شرکت کی ہے،ٹرائلز کمیٹی طاہر وحید جٹ،شاہد گل، شاہد جٹ اور راجہ ممتاز نے کھلاڑیوں سے ٹرائلز لیے ہیں،ٹرائلز کمیٹی نے کھلاڑیو ں کے درمیان کبڈی میچز بھی کروائے۔

(جاری ہے)

ڈائریکٹرجنرل سپورٹس پنجاب خضرافضال چودھری نے اس حوالے سے اپنے بیان میں کہا ہے کہ پہلی نیشنل یوتھ گیمز اسلام آباد کے لیے پنجاب کی ٹیموں کے ٹرائلز جاری ہیں، کبڈی کے ٹرائلزمیرٹ پر لیے جارہے ہیں،22اگست سے نشتر سپورٹس کمپلیکس میں تمام گیمز کے تربیتی کیمپ شروع ہو ں گے،جو 5ستمبر تک جاری رہیں گے۔واضح رہے 7سے 13ستمبر تک پہلی نیشنل یوتھ گیمزاسلام آباد میں ہوں گے۔