شطرنج، 10 سالہ برطانوی لڑکی نے 60 سالہ گرینڈ ماسٹر کو ہرا کر نئی تاریخ رقم کر دی

بودھنا شیوانندن نے لیور پول میں برطانوی شطرنج چیمپئن شپ 2025ء کے فائنل راؤنڈ میں 60 سالہ گرینڈ ماسٹر پیٹ ویلز کو شکست دی

ذیشان مہتاب ہفتہ 16 اگست 2025 10:33

شطرنج، 10 سالہ برطانوی لڑکی نے 60 سالہ گرینڈ ماسٹر کو ہرا کر نئی تاریخ ..

لندن (اردو پوائنٹ تازہ ترین اخبار ۔ 16 اگست 2025ء ) 10 سالہ بھارتی نژاد برطانوی لڑکی نے شطرنج کے کھیل میں نئی تاریخ رقم کر دی۔

شمال مغربی لندن سے تعلق رکھنے والی بودھنا شیوانندن نے لیور پول میں برطانوی شطرنج چیمپئن شپ 2025ء کے فائنل راؤنڈ میں 60 سالہ گرینڈ ماسٹر پیٹ ویلز کو شکست دے کر ورلڈ ریکارڈ قائم کر دیا۔

10 سالہ بودھنا شیوانندن گرینڈ ماسٹر کو ہرانے والی کم عمر ترین خاتون کھلاڑی بن گئیں۔

(جاری ہے)

انٹرنیشنل چیس فیڈریشن کے مطابق، شیوانندن نے 10 سال، 5 مہینے اور 3 دن کی عمر میں یہ کارنامہ انجام دیا اور امریکی کیریسا یپ کا قائم کردہ ریکارڈ توڑ دیا جو اس نے 10 سال، 11 ماہ اور 20 دن کی عمر میں 2019ء میں قائم کیا تھا۔

شیوانندن نے اب خواتین کی بین الاقوامی ماسٹر کا درجہ حاصل کر لیا ہے، جو خواتین کے لیے خصوصی خاتون گرینڈ ماسٹر ٹائٹل سے ایک درجے نیچے ہے۔