پاکستان سمیت دنیا بھرمیں انسانی ہمدردی کا عالمی دن 19 اگست کو منایا جائے گا

ہفتہ 16 اگست 2025 11:30

مکوآنہ (اُردو پوائنٹ اخبارتازہ ترین - این این آئی۔ 16 اگست2025ء)پاکستان سمیت دنیا بھر میں انسانی ہمدردی کا عالمی دن19اگست کو منایا جائے گا اس دن کے منانے کا مقصد انسانیت کی بھلائی اور فلاح و بہبود کیلئے کام کرنے والے اداروں ،انسان دوست افراد کی اہمیت و عظمت کا اعتراف اور ان کی انسانی ہمدردی کے متعلق عوامی شعور اجاگر کرنا ہے ۔

(جاری ہے)

انسانی ہمدردی کے عالمی دن کی مناسبت سے فیصل آباد سمیت ملک بھر میں حقوق انسانی کی تنظیموں اور مختلف این جی اوز کی جانب سے مذاکرے سیمینارز اور دیگر تقاریب کا اہتمام کیا جائے گا۔

اقوام متحدہ کی جنرل اسمبلی نے گیارہ دسمبر 2008 کو دنیا بھر میں انسان دوستوں کی عظمت کے اعتراف کے طور پر 19اگست کو انسانی ہمدردی کے عالمی دن کے طور پر منانے کا اعلان جس کے بعد پاکستان سمیت دنیا بھر میں انسانی ہمدردی کا عالمی دن 19اگست کو منایا جاتا ہے۔