ایبٹ آباد پولیس کی کارروائی، منشیات فروش چرس و ہیروئن سمیت گرفتار

اتوار 17 اگست 2025 12:00

ایبٹ آباد (اُردو پوائنٹ اخبارتازہ ترین - اے پی پی۔ 17 اگست2025ء) ایبٹ آباد پولیس نے ایک کارروائی کے دوران منشیات فروش کو رنگے ہاتھوں گرفتار کر کے ساڑھے 3 کلو سے زائد چرس اور ہیروئن برآمد کر لی۔

(جاری ہے)

ایبٹ آباد پولیس کے مطابق ڈی پی او عمر طفیل کی ہدایت پر منشیات فروشوں کے خلاف کریک ڈاؤن جاری ہے۔ ایس ایچ او تھانہ کینٹ عبدالغفور نے پولیس ٹیم کے ہمراہ کارروائی کرتے ہوئے منشیات فروش ساجد عرف کالا ولد رفیق سکنہ سبزی منڈی کو 2529 گرام چرس اور 1017 گرام ہیروئن سمیت گرفتار کر لیا۔ ملزم کے خلاف منشیات ایکٹ کے تحت مقدمہ درج کر کے تفتیش شروع کر دی گئی ہے۔