ورلڈ اور ایشین ماسٹرز ویٹ لفٹنگ کی میزبانی پاکستان کو مل گئی

اسلام آباد میں چیمپئن شپ کیلئے حکومت کا گرین سگنل‘اسپورٹس بورڈ نے ویٹ لفٹنگ ایسوسی ایشن کو این او سی جاری کردیا

اتوار 17 اگست 2025 12:30

اسلام آباد(اُردو پوائنٹ اخبارتازہ ترین - این این آئی۔ 17 اگست2025ء)ورلڈ ماسٹرز اور ایشین ماسٹرز ویٹ لفٹنگ چیمپئن شپ کی میزبانی پاکستان کو مل گئی۔اسلام آباد میں چیمپئن شپ کے انعقاد کے لیے حکومت نے گرین سگنل دے دیا جس کے بعد اسپورٹس بورڈ نے ویٹ لفٹنگ ایسوسی ایشن کو این او سی جاری کردیا۔

(جاری ہے)

صدر ایسوسی ایشن ارشدخان نے ایونٹس بنیان مرصوص اور معرکہ حق کے نام کردیے۔انہوں نے کہا کہ چیمپئن شپ میں پچاس ملکوں کے پانچ سو سے زائد مرد و خواتین ویٹ لفٹنر حصہ لیں گے، ایونٹس کی میزبانی پاکستان کے لیے اعزاز ہے۔واضح رہے کہ پاکستان نے قطر میں ہونے والی ایشین ماسٹرز چیمپئن شپ میں 10 میڈلز حاصل کیے تھے۔