غزہ میں صیہونی مظالم کیخلاف اسرائیل سمیت برطانیہ اور سوئیڈن میں مظاہرے

فن لینڈ میں فلسطین حامیوں نے اسرائیل کو ہتھیار فراہم کرنے والی کمپنی کے شیشوں کو سرخ رنگ سے رنگ دیا

اتوار 17 اگست 2025 14:15

لندن/تل ابیب/سٹاک ہوم (اُردو پوائنٹ اخبارتازہ ترین - این این آئی۔ 17 اگست2025ء)غزہ میں مسلسل ہونے والے اسرائیلی مظالم کے خلاف برطانیہ میں احتجاج کیا گیا اور سینکڑوں افراد نے معصوم فلسطینیوں کے حق میں اپنی آواز بلند کی۔غیر ملکی میڈیا کے مطابق انگلینڈ میں رائل ائیر فورس بیس کے باہر سینکڑوں افراد نے حکومت سے اسرائیل کو ہتھیاروں کی فراہمی روکنے کا مطالبہ کیا۔

(جاری ہے)

ادھر فن لینڈ میں فلسطین حامیوں نے اسرائیل کو ہتھیار فراہم کرنے والی کمپنی کے شیشوں کو سرخ رنگ سے رنگ دیا۔اس کے علاوہ سوئیڈن میں بھی فلسطینیوں سے اظہار یکجہتی کیا گیا، اسرائیلی فوج کے ہاتھوں شہید ہونے والے صحافیوں کی یاد میں مارچ کیا گیا اور مظاہرین نے غزہ میں نسل کشی بند کرنے کا مطالبہ کیا۔ اسرائیل میں بھی حکومت کے خلاف ہزاروں افراد سڑکوں پر نکلے، تل ابیب میں مظاہرین نے اسرائیلی فوجی ہیڈکوارٹرز کے باہر مظاہرہ کیا اور یرغمالیوں کی رہائی کے لیے حماس سے معاہدہ کرنے کا مطالبہ کیا۔