روس، بارود کی فیکٹری میں آگ لگنے سے 11 افراد ہلاک

زخمیوں اور لاشوں کو نکالنے کا سلسلہ جاری رکھتے ہوئے 2 لاشیں نکال لی گئیں

اتوار 17 اگست 2025 14:15

ماسکو (اُردو پوائنٹ اخبارتازہ ترین - این این آئی۔ 17 اگست2025ء)روس میں بارود کی فیکٹری میں آگ لگنے سے 11 افراد ہلاک اور 130 زخمی ہوگئے۔غیرملکی میڈیا کے مطابق روسی دارالحکومت ماسکو سے 250 کلومیٹر کے فاصلے پرروسی رائزان ریجن میں گن پاڈر بنانے والی ایک فیکٹری میں آگ لگنے کا واقعہ پیش آیا۔

(جاری ہے)

روسی وزارت ہنگامی امور نے کہا کہ ریسکیو عملے نے عمارت سے زخمیوں اور لاشوں کو نکالنے کا سلسلہ جاری رکھتے ہوئے 2 لاشیں نکال لیں۔بارود بنانے والی فیکٹری میں آگ لگنے کے بعد دھماکہ ہوا تھا، 29 زخمیوں میں سے 13 افراد کو رائزان جبکہ 16 کو ماسکو روانہ کردیا گیا ہے۔دوسری جانب ریسکیو حکام نے بتایا ہے کہ ملبے سے 3 افراد کو زندہ نکال لیا گیا ہے۔