سالہ ملائیکہ اروڑا نے دوسری شادی کی خواہش کا اظہار کردیا

ادکارہ ملائیکہ اور اداکار ارباز خان کی شادی 1998میں ہوئی تھی 2017میں طلاق ہوگئی تھی میں محبت پر یقین رکھتی ہوں اور میں نے دوسری شادی سے متعلق کبھی’’ نہ‘‘نہیں کہا، اداکارہ

پیر 18 اگست 2025 11:10

ممبئی (اُردو پوائنٹ اخبارتازہ ترین - این این آئی۔ 18 اگست2025ء)بالی وڈ کی معروف اداکارہ اور ماڈل ملائیکہ اروڑا نے 51سال کی عمر میں دوسری شادی کی خواہش کا اظہار کردیا۔ملائیکہ سے ایک انٹرویو کے دوران ان کی زندگی سے متعلق کئی سوالات کئے گئے تاہم انہوں نے ایک سوال کا جواب دیتے ہوئے کہا کہ جب ان کی شادی اداکار ارباز خان سے ہوئی تب ان کی عمر کم تھی۔

انہوں نے تمام لڑکیوں کو شادی میں جلد بازی نہ کرنے کا پیغام دیتے ہوئے کہا کہ شادی میں اتنی جلد بازی کرنے کی ضرورت نہیں، زندگی کے سفر کو سمجھ لینے کے بعد فیصلہ لیا جائے تو وہ زیادہ بہتر رہتا ہے۔

(جاری ہے)

ملائیکہ سے سوال کیاگیاکہ کیا وہ اب دوسری شادی کرنا پسند کریں گی جس پر انہوں نے جواب دیا کہ میں محبت پر یقین رکھتی ہوں اور میں نے دوسری شادی سے متعلق کبھی’’نہ‘‘نہیں کہا۔

ملائیکہ کے اس بیان کے بعد سوشل میڈیا پر ان کی دوسری شادی سے متعلق خبریں تیزی سے پھیلنے لگی۔یاد رہے کہ ادکارہ و ماڈل ملائیکہ اور اداکار ارباز خان کی شادی 1998میں ہوئی تھی اور 18 سال ایک ساتھ رہنے کے بعد 2017میں ان کی طلاق ہوگئی تھی۔ ارباز خان سے طلاق کے بعد 2018میں ملائیکہ اداکار ارجن کپور کے ساتھ ریلیشن شپ میں رہیں تاہم بعد ازاں 2023میں دونوں نے علیحدگی اختیار کی۔

Facebook Twitter Google + Share on Whatsapp

سالہ ملائیکہ اروڑا نے دوسری شادی کی خواہش کا اظہار کردیا

متعلقہ عنوان :

مزید اہم خبریں