Live Updates

بونیر کے بعد صوابی میں بھی کلاؤڈ برسٹ اور لینڈ سلائیڈنگ نے تباہی مچا دی ، 15 افراد جاں بحق

پیر 18 اگست 2025 17:05

پشاور (اُردو پوائنٹ اخبارتازہ ترین - اے پی پی۔ 18 اگست2025ء) بونیر کے بعد صوابی میں بھی کلاؤڈ برسٹ اور لینڈ سلائیڈنگ نے تباہی مچا دی ، سیلابی ریلوں میں بہہ کر 15 افراد جاں بحق ہو گئے۔ ضلعی انتظامیہ صوابی کے مطابق دالوڑی گائوں گدون میں سیلابی ریلوں کے باعث 12 گھر ڈوب گئے ، پہاڑی علاقہ ہونے کی وجہ سے مختلف مقامات پر لینڈ سلائیڈنگ بھی ہوئی ہے۔

(جاری ہے)

ڈپٹی کمشنر صوابی نصراللہ خان نے کلاؤڈ برسٹ سے گھروں کے ڈوبنے کی تصدیق کرتے ہوئے کہا ہے کہ انتظامیہ، ریسکیو اور دیگر امدادی ٹیمیں جائے وقوعہ کی جانب روانہ ہو چکی ہیں، ہری پور اور مردان سے بھی ریسکیو ٹیموں کو بلا لیا گیا ہے۔ڈپٹی کمشنر نے اپیل کی ہے کہ رضاکارانہ طور پر لوگ متاثرہ افراد کی مدد کیلئے نکلیں ، وزیراعلیٰ خیبر پختونخوا اور چیف سیکرٹری صورتحال مانیٹر کر رہے ہیں۔واضح رہے کہ صوابی میں رات سے جاری بارش کے باعث ندی نالوں میں طغیانی آنے سے نشیبی علاقے زیر آب آ چکے ہیں۔