Live Updates

پنجاب کے بیشتر اضلاع میں آئندہ 24 گھنٹوں میں بارش کا امکان ،مون سون کا چھٹا اسپیل 7 اگست تک جاری رہنے کی توقع ہے ، ترجمان پی ڈی ایم اے

منگل 5 اگست 2025 16:03

لاہور (اُردو پوائنٹ اخبارتازہ ترین - اے پی پی۔ 05 اگست2025ء) وزیر اعلی پنجاب کی ہدایات کے پیشِ نظر پی ڈی ایم اے پنجاب نے مون سون فلڈ کی صورتحال بارے فیکٹ شیٹ جاری کر دی ۔ ترجمان پی ڈی ایم اے کے مطابق گزشتہ 24 گھنٹوں میں نارووال، سیالکوٹ، راولپنڈی اور گجرات میں بارشیں ریکارڈ کی گئیں جبکہ آئندہ 24 گھنٹوں میں پنجاب کے بیشتر اضلاع میں بارشیں متوقع ہیں۔

مون سون بارشوں کا چھٹا اسپیل 7 اگست تک جاری رہنے کی پیشگوئی ہے ۔ ڈی جی پی ڈی ایم اے پنجاب عرفان علی کاٹھیا نے متعلقہ انتظامیہ کو الرٹ رہنے کی ہدایات جاری کرتے ہوئے کہا ہے کہ دریائے سندھ میں تربیلا مقام پر نچلے درجے کا سیلاب ہے۔ کالاباغ، چشمہ اور تونسہ کے مقام پر پانی کا بہا نارمل سطح پر ہے۔دریائے چناب، جہلم، راوی اور ستلج میں پانی کا بہا ونارمل سطح پر ہے۔

(جاری ہے)

رودکوہیوں اور بڑے دریاوں سے ملحقہ ندی نالوں میں بھی پانی کا بہا ونارمل سطح پر ہے۔ ڈی جی عرفان علی کاٹھیا نے کہا کہ تربیلا ڈیم 94 فیصد جبکہ منگلا ڈیم 61 فیصد تک بھر چکاہے۔ بھارتی ڈیمز میں پانی کی سطح 56 فیصد تک ہے۔ ڈی جی پی ڈی ایم اے نے شہریوں سے اپیل کی ہے کہ وہ موسم برسات میں احتیاطی تدابیر اختیار کریں۔ بچوں کا خیال رکھیں ،انہیں برساتی نالوں نشیبی علاقوں دریاوں اور نہروں میں ہرگز مت نہانے دیں۔ انہوں نے کہا کہ رواں سال موسم مون سون بارشوں کے باعث مختلف حادثات میں 164 شہری جاں بحق ،579 زخمی ، 215 گھر متاثر اور 121 مویشی ہلاک ہوئے ۔وزیر اعلی پنجاب کی ہدایات کے پیشِ نظر متاثرہ فیملیز کو مالی معاونت فراہم کی جا رہی ہے.