سندھ ہائیکورٹ ، معذور کوٹہ پر سیکنڈری اسکول ٹیچر کی بھرتی نا کرنے کیخلاف درخواست کی مزید سماعت 11ستمبرتک ملتوی کردی

پیر 18 اگست 2025 17:10

کراچی(اُردو پوائنٹ اخبارتازہ ترین - این این آئی۔ 18 اگست2025ء)سندھ ہائیکورٹ نے معذور کوٹہ پر سیکنڈری اسکول ٹیچر کی بھرتی نا کرنے کیخلاف درخواست کی مزید سماعت 11ستمبرتک ملتوی کردی ۔پیرکوسندھ ہائیکورٹ میں معذور کوٹہ پر سیکنڈری اسکول ٹیچر کی بھرتی نا کرنے کیخلاف درخواست کی سماعت ہوئی۔ عثمان فاروق ایڈووکیٹ نے موقف دیا کہ درخواست گزار عدیل مجاہد نے ایس پی ایس سی کے تحریری امتحان میں کامیابی حاصل کی۔

(جاری ہے)

درخواست گزار سمیت دیگر معذور افراد کو انٹرویو میں ناکام قرار دیدیا گیا ہے۔ معذور افراد کے لئے مختص 13 نشستوں پر 6 افراد کو میرٹ پر کامیاب قرار دیا گیا ہے۔ معذور افراد کی مختص نشستوں پر کسی معذور فرد کو کامیاب قرار نہیں دیا گیا۔ عدالت نے سرکاری وکیل سے آئندہ سماعت تک انٹرویو کا ٹرانسکرپٹ طلب کرلیا۔ جسٹس فیصل کمال عالم نے ریمارکس دیئے کہ عدالت کو بتایا جائے انٹرویو میں کیا سوالات کئے گئے، کس بنیاد پر درخواستگزار کو ناکام قرار دیا گیا۔ عدالت نے سماعت 11 ستمبر تک ملتوی کردی۔